Home
એન્ટરટેઇનમેન્ટ
EDએ શા માટે ઉર્વશી રૌતેલા અને સોનુ સૂદની કરી પૂછપરછ? જાણો શું છે સમગ્ર મામલો....

EDએ શા માટે ઉર્વશી રૌતેલા અને સોનુ સૂદની કરી પૂછપરછ? જાણો શું છે સમગ્ર મામલો....

04:24 PM June 18, 2025 Gujju News Channel

ગેરકાયદેર બેટિંગ એપના મામલામાં EDએ અનેક સેલિબ્રિટી વિરૂદ્ધ કેસ નોંધવામાં આવ્યું હતું. હવે આ મામલે EDએ ઉર્વશી રૌતેલા અને સોનું સૂદની પુછપરછ કરી છે.

બેટિંગ એપ કેસમાં EDએ કડક વલણ દેખાડ્યુ છે અને તેની તપાસની કાર્યવાહી તેજ કરી દીધી છે. આ દરમિયાન તાજેતરમાં EDએ આ મામલે ઉર્વશી રૌતેલા અને સોનુ સૂદની પૂછપરછ કરી છે. માત્ર સોનુ અને ઉર્વશી જ નહીં પણ EDએ ગેરકાયદેસર ઓનલાઈન સટ્ટાબાજી પ્લેટફોર્મના સંબંધમાં અનેક સેલિબ્રિટીઓની પૂછપરછ કરી છે. ચાલો જાણીએ કે આ સમગ્ર મામલો શું છે?

► શું છે સમગ્ર મામલો?

આ કેસમાં કેટલાક સ્ટાર્સ પર ગેરકાયદેસર અથવા પ્રતિબંધિત બેટિંગ એપ્લિકેશનોને પ્રોત્સાહન આપવાનો આરોપ મૂકવામાં આવ્યો હતો. તેની સંબંધિત ફરિયાદમાં કહેવામાં આવ્યું હતું કે આ કૌભાંડમાં ખૂબ પૈસા લાગેલા છે. આ સમગ્ર મામલો હેડલાઇન્સમાં આવતાની સાથે જ ફેમસ એક્ટર પ્રકાશ રાજે કહ્યું કે વર્ષ 2015માં તેમને આવી જાહેરાતમાં કામ કર્યું હતું, પરંતુ એક વર્ષમાં જ તેમને આ ડીલ છોડી દીધી હતી.

► કંગના થઈ ગુસ્સે

આ સિવાય રાણા દગ્ગુબાતીની ટીમે પણ આ અંગે સ્પષ્ટતા કરી અને જણાવ્યું હતું કે તેમની એન્ડોર્સમેન્ટ ડીલ બધા કાયદા હેઠળ હતો અને અભિનેતા કોઈપણ ગેરકાયદેસર સોદાનો ભાગ નહોતો. જ્યારથી આ આખો મામલો હેડલાઇન્સમાં આવ્યો છે ત્યારથી બોલિવૂડ એક્ટ્રેસ કંગના રનૌત પણ ગુસ્સે થઈ ગઈ છે. અભિનેત્રીએ કહ્યું હતું કે તેને પણ ઘણી વખત આવી ઓફરો મળે છે, પરંતુ તે ક્યારેય આવી જાહેરાતોમાં કામ કરતી નથી.

► 25 સેલેબ્સ સામે FIR

જો આપણે સોનુ અને ઉર્વશી વિશે વાત કરીએ તો બંને સ્ટાર્સે હજુ સુધી આ બાબતે કોઈ પ્રતિક્રિયા આપી નથી. ઉલ્લેખનીય છે કે આ વર્ષે માર્ચ મહિનામાં આ કેસમાં 25 ફેમસ હસ્તીઓ વિરુદ્ધ FIR નોંધવામાં આવી હતી. આ યાદીમાં પ્રકાશ રાજ, વિજય દેવરકોંડા, માંચુ લક્ષ્મી, પ્રણિતા, રાણા દગ્ગુબાતી અને નિધિ અગ્રવાલના નામ સામેલ હતા.